如果喜歡一件東西你會想盡辦法得到它嗎？例如：郵購，訂購之類．．．但是這些服務真的可靠嗎？

之前自己想要一對不高不矮的高跟鞋，大概１吋高，但想要有閃光又要有少許尖頭的，普普通通穿著也行，左行右行左望右望去到某店舖的櫥窗，終於給我遇見，入到店舖．．．〔唔該，我想睇吓呢對鞋〕｛好．．｝售貨員從櫥窗取出這對鞋給我試，她還說｛呢對鞋係我哋自己公司做架，幾好架．．．．｝但我心中想售貨員口中什麼都是好的，"死的"都可能化為"生的"來出售，這些都是售貨員搵食的技巧，令到你兩手入來四手出去，所以一直售貨員說什麼我都聽不進去的，怎知道．．．〔我要這對！〕她走進倉左找右找，又去另一間店舖找都找不到我的尺寸，她又說｛呢Ｄ鞋款我哋唔係做好多架，我幫你訂做啦！｝心想訂做都好，她又說｛大概一個禮拜就有架喇！｝見自己這麼喜歡就隨便吧！錢也給了！．．．

過了一星期．．．．再次走進這店舖取鞋，這售貨員走入倉找了一片，同我講：{仲未有，你下星期再嚟喇！｝心唸：你玩我呀！上星期話今個星期，今個星期又要我下星期再嚟攞，唔得我今日一定要攞到．．我話：〔唔得呀！我等住著呀！明日要出trip喇！唔知幾時返呀！〕她打電話同另一位售貨員講我的問題．．．等了一會．．．見到另一個售貨員拿了鞋盒入來，她打開鞋盒給我試穿，正是我的尺寸，心唸：哼!又話無？搞錯呀！．．．

自此之後，我話以後都唔會再訂貨，見到有就買，無就算．．．