．．．．自從店舖的售貨員話星期一件褸可能返貨，又叫我先打電話比佢哋問下，上個星期六及日，我腦內不斷想會不會這店舖關閉，所以用這招數呢？會不會又是付了錢迫你要另一件褸呢？會不會．．．唉~我就想到痴線了．．．

直到星期一我終於忍不住打電話到這店舖問過究竟．．．講單號給售貨員查．．．售貨員：｛亞靚女呀未返喎！｝〔咁幾時返？〕｛運輸未送嚟，返咗打比你！｝〔咁幾時返？〕售貨員不斷話運輸未到這樣那樣．．．激死呀！

第二日朝早起身，我唸"今日比一日時間你哋，你哋仲唔打比我，我就直接落店舖，今日一定要攞番一樣嘢走，一係褸一係錢"．．．直到放工都無收到電話通知話可以攞褸．．．好！直接落去店舖．．．在車上想"怎麼說才可以攞番一樣嘢呢?"．．．"怎麼辦?怎麼辦?怎麼辦?怎麼辦?"．．．想到頭到爆．．．

入到店舖比張單售貨員，售貨員查一查枱上的單話：｛仲未有！｝〔你哋話星期一有，而家都仲未有？〕｛運輸未到，可能今晚會到！明日會有！｝〔上次又話星期一有，而家又話明日有，你哋唔係控制運輸架咩，而係運輸控制你哋？我明日要出trip，而家唔要退錢喇！〕｛我哋唔會退錢架，等我再問問運輸先！｝．．．．心唸"搞錯!你無貨比人梗係要退錢喇，點解唔可以退錢呀？"．．．．無意中聽到售貨員同運輸講｛．．．我哋梗要顧客先喇，而家個客要退錢喇．．．．｝售貨員收線之後同我講：｛你明日要出trip，我而家退番錢比你，件褸明日先到！｝〔咁得架喇！〕｛係呀！｝．．．哼！我攞番d錢仲想我再嚟買！以後都唔嚟買呀！

終於都完結喇！個心好舒服哦^^